اسلام آباد۔22اپریل (اے پی پی) وفاقی وزیر تجارت جام کمال خان نال پاکستان اچ کرغزستان دے سفیر آوازبیک اٹاخانوف منگل کوں انہاں دے دفتر اچ ملاقات کیتی۔ ملاقات اچ ݙوپاسہ تجارت، اقتصادی تعاون اتے علاقائی رابطے ودھاوݨ تے ڳالھ کیتی ڳئی۔ ایں موقع تے وزیراعظم دے کوآرڈینیٹر رانا احسان افضل اتے وزارت تجارت دے سینئر حکام شریک تھیے۔ وفاقی وزیر کرغز سفیر دا خیرمقدم کیتا اتے پاکستان تے کرغزستان وچال تاریخی اتے ثقافتی تعلقات دی اہمیت کوں اجاگر کریندیں ہوئیں آکھیا جو پاکستان انہاں برادرانہ تعلقات کوں جامع اقتصادی شراکت داری اچ بدلݨ چاہندے۔ ملاقات اچ ݙوہیں فریقاں خصوصی طور پر تجارت، سرمایہ کاری اتے علاقائی رابطے دے شعبیاں اچ تعاون ودھاوݨ دا عزم کیتا۔ سفیر آوازبیک اٹاخانوف پاکستان اچ جاری اصلاحات دی تعریف کیتی۔
