“مولانا رومیؒ اتے حضرت سلطان باھوؒ انسان دوستی، امن و محبت اتے رواداری دے پیامبر ہن”، چیئرمین سینیٹ سید یوسف رضا گیلانی اتے شرکا

اسلام آباد۔22 اپریل(اے پی پی) مسلم انسٹیٹیوٹ، یونس ایمرے انسٹیٹیوٹ اتے ادارہ فروغِ قومی زبان دے باہمی تعاون نال تھیوݨ آلی ترائے ݙینھ دی اٹھویں بین الاقوامی کانفرنس “مولانا رومیؒ و حضرت سلطان باھوؒ – انسان دوستی، امن تے محبت اتے رواداری دے پیامبر” تھئی جیندی صدارت ڈاکٹر احسان اکبر کیتی۔ انہاں آکھیا جو پاکستان صوفیاء دی دھرتی اے اتے صوفی ازم دیاں تعلیمات تے عمل کریندے ہوئے نہ صرف ملک اچ برداشت، ہم آہنگی تے بھائی چارے کوں ودھایا ونڄ سڳدے اتے ملک دا مثبت چہرہ وی عالمی سطح تے نشابر کیتا ونڄ سگدے۔ ایں موقع تے چیئرمین سینیٹ سید یوسف رضا گیلانی وی خطاب کیتے۔ انہاں آکھیا جو حضرت سلطان باہو، مولانا رومی اتے ٻئے اولیاء کرام دی تعلیمات تے ٹر تے اسلامو فوبیا ڄھیں چیلنجز نال نمٹیا ونڄ سڳدے ڄئیں اپݨی تعلیمات اتے تبلیغ نال اسلام اتے امن دا سنیہا عام کیتے۔ انہاں علم و تحقیق کیتے مسلم انسٹیٹیوٹ دیاں خدمات کوں خراج تحسین ہیں پیش کیتے، حضرت سلطان باہو مولانا رومی اتے ٻئے صوفیاء و اولیاء کرام اپݨے عمل و کردار نال دین اسلام دی خدمت کیتی اتے مقامی زباناں اچ شاعری نال اللہ دا پیغام کھنݙائے۔ انہاں زور ݙتے جو نوجوان جدید علوم دے نال نال روایات نال وی جڑت رکھین، نوجوان صوفیاء کرام دے سنیہے نال معاشرے اچ امن و محبت ودھاون۔