اسلام آباد۔24اپریل (اے پی پی) وفاقی وزیر برائے صحت مصطفیٰ کمال آکھیا جو ہسپتالاں تے مریضاں دا ٻوڄھ ڳھٹ کرݨ دا ہکو حل ٹیلی میڈیسن، پورے ملک اچ صحت دی سہولتاں ݙیوݨ کیتے کم کریندے پئیوں۔ خمیس کوں وزارت صحت توں جاری بیان موجب اے ڳالھیں انہاں پاکستان اچ یونیسف دے نمائندے عبداللہ فاضل نال ڳالھ مہاڑ کریندیں ہوئیں آکھی۔ عبداللہ فاضل وزیر صحت کوں یونیسف دے اہم اقدامات دا ݙسیا اتے حفاظتی ٹیکیاں، غذائیت، ڈیجیٹل ہیلتھ تے وی ڳالھ کیتی ڳئی۔ وزیرصحت آکھیا جو ہسپتالاں تے مریضاں دا ٻوڄھ ڳھٹ کرݨ دا ہکو حل ٹیلی میڈیسن، پورے ملک اچ صحت دی سہولتاں ݙیوݨ کیتے کم کریندے پئیوں۔مصطفٰی کمال آکھیا جو او ݙینھ پرے کائنی جݙاں ڈاکٹرز اتے دوا عوام دے در تے ملسی۔ نادرا دی ساںجھ نال ہݨ ہر شہری دا شناختی کارڈ نمبر ایم آر نمبر ہوسی۔
