اسلام آباد۔24اپریل (اے پی پی) چیئرمین سینیٹ سید یوسف رضا گیلانی بھارت دے غیر قانونی قبضے جموں تے کشمیر اچ پہلگام واقعے دی شدید الفاظ اچ مذمت کریندیں ہوئیں آکھیا جو پاکستان تے بھارتی الزام بدنیتی تے مبنی ہن جئیں دا مقصد جموں تے کشمیر اچ جاری بھارتی ظلم توں توجہ ہٹاوݨ اے۔ سینیٹ سیکرٹریٹ توں جاری بیان موجب آپݨے مذمتی بیان اچ چیئرمین سینیٹ آکھیا جو بھارت دے غیر قانونی قبضے جموں تے کشمیر اچ پہلگام واقعے اچ جانی تے مالی ضیان تے افسوس تھیے۔ پہلگام واقعہ قابل مذمت، پاکستان تے بھارتی الزامات کوڑ ہن۔انہاں آکھیا جو بھارت ولوں سندھ طاس معاہدے دی معطلی وی قابل مذمت اے۔ بھارتی اقدامات ہمیشہ خطے دے امن کوں داؤ تے لاتے۔ عالمی برادری بھارت دے انہاں ہتھکنڈیاں دا نوٹس ڳھنے۔
