اسلام آباد۔24اپریل (اے پی پی) نائب وزیراعظم اتے وزیر خارجہ سینیٹر محمد اسحاق ڈار جمہوریہ ازبکستان دے وزیر خارجہ سیدوف بختیور اودیلووچ نال ٹیلی فون تے ڳالھ کیتی۔ دفترخارجہ موجب نائب وزیراعظم کابل اچ ازبکستان۔افغانستان۔پاکستان ریلوے لائن منصوبے بارے آپݨٰی اڄوکی ڳالھ مہاڑ بارے ݙسیا اتے امید کیتی جو ترائے ملک ایں اہم علاقائی رابطے دے منصوبے کیتے جلدی فریم ورک معاہدے تے دستخط کریسن۔
