وزیراعظم دا حساس قیمتاں دے اشاریے دی سالانہ شرح منفی 3.52 فیصد تئیں ڳھٹݨ تے اطمینان

اسلام آباد۔25 اپریل(اے پی پی)وزیراعظم محمد شہباز شریف حساس قیمتاں دے اشاریے (سینسیٹو پرائس انڈیکس) دی سالانہ شرح منفی 3.52 فیصد تئیں ڳھٹݨ تے اطمینان کریندے آکھیے جو معاشی اشاریے ہر روز بہتری دو ویندے پین، حکومت عوام کوں بہتر تھیندے معاشی اشاریاں دا فیدہ ݙیوݨ کیتے ردھے ہوئے ہیں۔ وزیراعظم آکھیے جو 2024ء دے ایں مہینے اچ حساس قیمتاں دے اشاریے دی شرح 26.94 فیصد ہئی ڄیڑھی اپریل 2025ء اچ منفی 3.52 ریکارڈ کیتی گئی۔ انہاں آکھیا جو معاشی اشاریے ہر روز بہتری دو ویندے پین، حکومت عوام کوں بہتر تھیندے معاشی اشاریاں دا فیدہ ݙیوݨ دی پوری کوشش کریندی پئی اے۔ وزیراعظم حکومت دی معاشی ٹیم دی محنت دی وی تعریف کیتی۔