نائب وزیر اعظم/وزیر خارجہ سینیٹر محمد اسحاق ڈار دا جمہوریہ مصر دے وزیر خارجہ ڈاکٹر بدر عبد العاطی نال ٹیلی فونک رابطہ

اسلام آباد۔26اپریل(اے پی پی)نائب وزیر اعظم/وزیر خارجہ سینیٹر محمد اسحاق ڈار بھارت دے بے بنیاد الزامات سختی نال مسترد کریندے علاقائی امن و استحکام سانڳے قومی مفادات دے تحفظ کیتے پاکستان دا عزم دوہرائے۔ او عرب جمہوریہ مصر دے وزیر خارجہ ڈاکٹر بدر عبد العاطی نال ٹیلی فون تے الیندے پئے ہن۔ دفتر خارجہ آکھیے جو حالیہ علاقائی پیش رفت تے الیندے اسحاق ڈار مقبوضہ جموں اتے کشمیر اچ بھارت دے اڄوکے اقدامات اتے پاکستان تے بے بنیاد الزامات دا ݙسائے اتے بھارت دے کوڑے پروپیگنڈے دی مذمت کیتی۔ ݙوہاں رہنماواں  پاکستان اتے مصر وچال ݙوطرفہ تعاون ودھاوݨ دے مختلف طریقیاں تے وی الایا۔