پاکستان دی سکیورٹی فورسز ملکی تحفظ کیتے پرعزم، پہلگام واقعہ دی شفاف تحقیقات کیتے تعاون کوں تیار ہیں، وزیر داخلہ

لاہور۔26اپریل(اے پی پی)وفاقی وزیر داخلہ محسن نقوی آکھیے ءجو پاکستان دی سکیورٹی فورسز ملکی تحفظ کیتے پر عزم ہین، پہلگام واقعہ دی شفاف تحقیقات کیتے تعاون کوں تیار ہیں۔ اے ڳالھ انہاں لاہور اچ پریس کانفرنس کریندے آکھی۔ انہاں آکھیا جو بھارت کوں پاکستان دی ترقی ہضم نئیں تھیندی پئی، پہلگام اچ دہشت گردی دا کوڑا ڈرامہ پاکستان کیتے نقصان دہ اے اتے ٻھارت کوں ایندا وݙا فیدہ اے، اے ڈرامہ سوچے سمڄھے منصوبے نال کیتا ڳئے ٻھل ڄڳ اچ کہیں وی قسم دی دہشتگردی دی مذمت کریندے ہیں، ڄیکر پاکستان کوں پہلگام واقعہ دی وجہ توں ودباوݨ دی کوشش کیتی ڳئی تاں پاکستان دا بچہ بچہ آخری دم تئیں لڑسی۔ انہاں آکھیا جو بلوچستان اتے خیبر پختونخوا اچ تھیوݨ آلی دہشت گردی اچ بھارت دے ملوث ہووݨ دے ثبوت موجود ہین، بھل پاکستان خطے اچ امن کیتے ایندے تے کوئی شور نئیں پاتا، اساں پہلگام ڈرامہ دی شفاف تحقیقات دا مطالبہ کریندے ہیں، پاکستان تعاون کریسی تاں جو ڄڳ کوں پتا لڳے جو کیہڑا ملک دہشت گرد اتے کیہڑا پر امن اے۔ انہاں آکھیا جو پوری قوم اتے پاکستان دی سکیورٹی فورسز ملک دے تحفظ کیتے پوری طرح تیار ہین، ڄیکر بھارت سندھ طاس معاہدے دی خلاف ورزی کیتی تاں پاکستان ایندا تکڑا ولدا ݙیسی اتے جنگ کیتے وی تیار اے۔