اسلام آباد۔28اپریل(اے پی پی) محکمہ موسمیات چتاوݨی جاری کریندے آکھیے 30 اپریل تئیں ملک دے جنوبی علاقیں سندھ ،جنوبی پنجاب اتے بلوچستان اچ ݙینھ دا درجہ حرارت معمول توں 05 توں 07 ڈگری سینٹی گریڈ جݙاں جو ملک دے وسطی علاقیں /اتلے پنجاب،اسلام آباد، خیبرپختونخوا، کشمیر، گلگت بلتستان اچ 04 توں 06 ڈگری سینٹی گریڈ ودھ رہݨ دا امکان اے ۔ محکمہ موسمیات موجب صبحائیں ملک دے ٻہوں سارے علاقیں اچ موسم گرم تے رُکھا جݙاں جو وسطی/جنوبی علاقیں اچ شدید گرم رہݨ دا امکان اے تاں جو جنوبی پنجاب، بلوچستان، سندھ اتے خیبر پختونخوادے میدانی علاقیں اچ تکھی ہوا /جھکڑ چلݨ دا امکان اے ۔ گزریل چووی گھنٹے ملک دے ٻہوں سارے علاقیں اچ موسم رکھا تے گرم رہیا ۔ سنوار دے ݙینھ ریکارڈ کیتے ڳئے ودھ توں ودھ درجہ حرارت : خیر پور 48 ، شہید بینظیر آباد ، پڈعیدن، روہڑی، سبی،سکرنڈ 47، جیکب آباد، رحیم یارخان، لاڑکانہ، دادو اتے موہنجو داڑو اچ 46 ڈگری سینٹی گریڈ ریکارڈ کیتا ڳئے۔
