اسلام آباد۔28اپریل(اے پی پی) وزیر دفاع خواجہ محمد آصف نال سری لنکا دے سیکرٹری دفاع ایئر وائس مارشل (ر)سمپتھ تھیویاکونتھا تے سری لنکن نیوی دے کمانڈر وائس ایڈمرل کنچنا بناگوڈا وفد دے رلے ملاقات کیتی جئیں اچ ݙوہیں پاسوں دفاعی تعاون کوں تکڑا بݨاوݨ سانڳے سانجھی رضامندی تے زور ݙتا ڳئے ۔ وزیر دفاع پاکستان تے سری لنکا وچال پراݨی یاری دی تعریف کیتی ۔ انہاں آکھیے اہم مسئلے تے علاقائی تناظر اچ نقطہ نظر دی قربت کوں ݙیکھدے ہوئیں ݙوہیں ملکاں کوں کثیرالجہتی تعلقات دے مثبت انداز نال فیدہ چیندے ہوئیں موجودہ تعلقات کوں مزید تکڑا کرݨ دی لوڑھ اے ،معزز مہمان پاکستان دی مسلح افواج دی پیشہ وارانہ مہارت دی تعریف کیتی، انسداد دہشت گردی اچ انہاں دی کامیابیاں اتے کوششاں دا اعتراف کیتے۔فریقین ݙوہیں ملکاں وچال جاری تعاون تے اطمینان دا اظہار کیتے تے سانجھے فیدہ مند شعبیں اچ تعاون کوں تکڑا کرݨ دا عزم ظاہر کیتے۔
