اسلام آباد۔29اپریل (اے پی پی) وزیراعظم محمد شہبازشریف کینیڈا دی لبرل پارٹی کوں انتخابات اچ جت دی مبارخ اتے مارک کارنی کوں کینیڈا دا وزیراعظم منتخب تھیوݨ تے مبارخ ݙتی اے۔ منگل کوں سماجی رابطے دی ویب سائٹ ” ایکس” تے آپݨے سنیھے اچ وزیراعظم آکھیا جو پاکستان اتے کینیڈا وچال برادرانہ تعلقات اتے خوشگوار تعلقات ہن۔ اساکوں کینیڈا اچ رہݨ آلی پاکستانی کمیونٹی تے فخر اے۔ انہاں پاکستان اتے کینیڈا وچال تعلقات کوں ٻیا مستحکم ٻݨاوݨ کیتے نو منتخب وزیراعظم کارنی نال رَل تے کم کرݨ دی خواہش کیتی۔
