اسلام آباد۔30اپریل (اے پی پی):وفاقی وزیر اطلاعات تے نشریات عطاء اللہ تارڑ آکھ جو پاکستان کنیں پکی انٹیلی جنس اطلاعات ان جو آندے 24 توں 36 گھنٹیاں اچ پہلگام واقعے نال جڑے بے بنیاد تےخود ساختہ الزامایں کوں بنیاد بنڑا تے بھارت، پاکستان دے خلاف فوجی کارروائی کرنڑ دا ارادہ رکھیندے۔ منگل کوں خصوصی گالھ مہاڑ کریندے ہوئے وفاقی وزیر اطلاعات آکھےجو پاکستان، بھارت دے خطے اچ مدعی، منصف تے جلاد دا خود ساختہ کردار سختی نال مسترد کریندے۔ انھاں واضح کیتا جو پاکستان خود ڈوں ڈہاکیاں توں دہشت گردی دا شکار رہیا اے اتے دنیا اچ کہیں وی شکل اچ دہشت گردی دی سخت مذمت کیتی اے۔ عطاء اللہ تارڑ آکھے جو پہلگام حملے دے بعد پاکستان ذمے دار ریاست ہوونڑ دے ناطے سچائی دا پتہ لاونڑ تے اوندے محرکات جاننڑ سانگے کھلے ہاں نال آزادانہ تے غیر جانبدارانہ تحقیقات دی پیشکش کیتی اے ۔ تاں جو بدقسمتی نال بھارت غیر معقولیت تے تصادم دے رستے تے ٹرنڑ کوں چنڑیا اے جیڑھا جوخطے تے دنیا اچ تباہی تے بربادی دا سبب بنڑسی انھاں دا آکھنع ہا جو غیر جانبدارانہ تحقیقات توں فرار بذات خود بھارت دے اصل مقصد کوں بے نقاب کرنے کیتے وڈا ثبوت اے۔سیاسی مقصد گھننڑ سانگےجانڑ بجھ تے عوامی جذبات کوں بھڑکا تے اینویں فیصلےکرنڑ بدقسمتی تے افسوس آلی گالھ اے ۔ وفاقی وزیر واضح کیتے جو پاکستان ایں گالھ دا کھلا ارادہ کریندے جو بھارت ولوں کہیں وی قسم دی فوجی مہم جوئی دا یقینی تے فیصلہ کن جواب ڈتا ویسی ۔ انھاں آکھیے جو بین الاقوامی برادری کوں اے سمجھنڑ دی ضرورت اے جو جنگ توں تھیونڑ آلی تباہی تے بربادی دی ذمے واری صرف تے صرف بھارت دی ہوسی ۔ وفاقی وزہر عطاء اللہ تارڑ آکھے جو پاکستانی قوم آپدی خودمختاری تے علاقائی سالمیت دا ہر حال اچ کہیں وی مل تے حفاظت کریسی ۔
