رباط۔30اپریل (اے پی پی)چیئرمین سینیٹ پاکستان سید یوسف رضا گیلانی آکھیا جو پاک قطر تعلقات ڳھاٹے مذہبی، ثقافتی اتے تاریخی رشتیاں تے مبنی ہن،آئی ٹی، فارماسیوٹیکل، تعمیرات، شپنگ اتے سمندری شعبہ جات اچ آپسی تعاون دی وݙی گنجائش موجود اے، غزہ اچ جنگ بندی اتے قیدیاں دی رہائی دی کوششاں اچ قطر دی ثالثی قابل تعریف اے۔ بدھ کوں سینیٹ سیکرٹریٹ توں جاری بیان موجب اے ڳالھیں انہاں مراکش اچ …
پاک قطر تعلقات ڳھاٹے مذہبی، ثقافتی اتے تاریخی رشتیاں تے مبنی ہن، مختلف شعبیاں اچ آپسی تعاون دی وݙی گنجائش اے، سید یوسف رضا گیلانی
مزید خبراں
رباط۔30اپریل (اے پی پی)چیئرمین سینیٹ پاکستان سید یوسف رضا گیلانی آکھیا جو پاک قطر تعلقات ڳھاٹے مذہبی، ثقافتی اتے تاریخی رشتیاں تے مبنی ہن،آئی ٹی، فارماسیوٹیکل، تعمیرات، شپنگ اتے سمندری شعبہ جات اچ آپسی تعاون دی وݙی گنجائش موجود اے، غزہ اچ جنگ بندی اتے قیدیاں دی رہائی دی کوششاں اچ قطر دی ثالثی قابل تعریف اے۔ بدھ کوں سینیٹ سیکرٹریٹ توں جاری بیان موجب اے ڳالھیں انہاں مراکش اچ شورٰی کونسل قطر دی ڈپٹی سپیکر ڈاکٹر حمدہ بنت حسن السلیطی نال ملاقات اچ ڳالھ مہاڑ کریندیں ہوئیں آکھی۔ چیئرمین سینیٹ آکھیا جو پاکستان قطر نال آپݨے برادرانہ تعلقات کوں قدر نال ݙیکھدے۔ وزیر اعظم محمد شہباز شریف امیرِ قطر شیخ تمیم بن حمد آل ثانی دی دعوت تے گزریل سال دورہ کیتے۔ چیئرمین سینٹ قطر دے امیر دے دورہ پاکستان اچ دلچسپی ݙکھائی۔ چیئرمین سینٹ ولوں شیخہ المیاسہ بنت حماد آل ثانی دی پاکستان اچ منعقدہ “منظر” نمائش دی تعریف کیتی۔ ملاقات اچ ڈپٹی اسپیکر شورٰی کونسل قطر ڈاکٹر حمدہ بنت حسن السلیطی آکھیا جو قطر پاکستان نال آپݨے تعلقات کوں اہمیت ݙیندے۔
