اسلام آباد۔30اپریل(اے پی پی) نائب وزیراعظم / وزیر خارجہ سینیٹر محمد اسحاق ڈار ڈیجیٹل کوآپریشن آرگنائزیشن (ڈی سی او) دے تعاون نال وزارت انفارمیشن ٹیکنالوجی اتے ٹیلی کمیونیکیشن دے زیراہتمام اسلام آباد اچ پہلے ڈیجیٹل غیر ملکی براہ راست سرمایہ کاری (ڈی ایف ڈی آئی) فورم اچ شرکت کیتی۔ ایں موقع تے خطاب اچ نائب وزیراعظم ڈیجیٹل انفراسٹرکچر، کلائوڈ ٹیکنالوجیز تے فنٹیک، مصنوعی ذہانت اتے ای کامرس جیھے ابھردے ہوئے …
نائب وزیراعظم سینیٹر محمد اسحاق ڈار دی پہلے ڈیجیٹل غیر ملکی براہ راست سرمایہ کاری فورم 2025 اچ شرکت
مزید خبراں
اسلام آباد۔30اپریل(اے پی پی) نائب وزیراعظم / وزیر خارجہ سینیٹر محمد اسحاق ڈار ڈیجیٹل کوآپریشن آرگنائزیشن (ڈی سی او) دے تعاون نال وزارت انفارمیشن ٹیکنالوجی اتے ٹیلی کمیونیکیشن دے زیراہتمام اسلام آباد اچ پہلے ڈیجیٹل غیر ملکی براہ راست سرمایہ کاری (ڈی ایف ڈی آئی) فورم اچ شرکت کیتی۔ ایں موقع تے خطاب اچ نائب وزیراعظم ڈیجیٹل انفراسٹرکچر، کلائوڈ ٹیکنالوجیز تے فنٹیک، مصنوعی ذہانت اتے ای کامرس جیھے ابھردے ہوئے شعبیں اچ سرمایہ کاری تے زور ݙیندے ڈیجیٹل تبدیلی اتے اقتصادی سفارت کاری سانڳے پاکستان دے عزم کوں اجاگر کیتے۔ انہاں پاکستان دی مضبوط ڈیجیٹل صلاحیت تے زور ݙتے جیڑھا جو ملک دی نوجوان آبادی اتے مضبوط پالیسی اصلاحات دے ذریعے ممکن اے جئیں دا مقصد کاروبار کرݨ اچ آسانی کوں بہتر بݨاوݨ اے ۔ نائب وزیراعظم اسحاق ڈار عالمی سرمایہ کاراں دا خیرمقدم کیتے تے او ڈیجیٹل طور تے شمولیت اتے جدت تے مبنی معیشت دی تعمیر اچ پاکستان نال شراکت داری کرن ۔ انہاں پاکستان کوں اعلیٰ معیار دی ڈیجیٹل خدمات دے قابل اعتماد ذریعہ دے طور تے پوزیشن ݙیوݨ سانڳے حکومت دی کوششاں دا ذکر کیتے تے متعلقہ فریقاں کوں ملک دے ودھدے ٹیکنالوجی ایکو سسٹم اچ سرمایہ کاری دے موقع ڳولݨ دی دعوت ݙتی ۔ نائب وزیراعظم 2026 اچ ڈی سی او دی صدارت سنبھالݨ سانڳے پاکستان دی تیاری دا اعلان اتے تنظیم دے ایجنڈے کوں اڳوں ودھاوݨ اچ آپݨے فعال کردار دا خاص طور تے ذکر کیتے۔ انہاں سارے مندوبین تے شراکت داراں دا کانفرنس اچ شراکت تے شکریہ ادا کیتے تے رکن ملکاں اچ ڈیجیٹل تعاون اتے سرمایہ کاری ودھاوݨ سانڳے مسلسل تعاون تے زور ݙتے۔
