نائب وزیراعظم سینیٹر محمد اسحاق ڈار دی اومان دے وزیر خارجہ سید بدر بن حمد بن حمود البوسیدی نال ٹیلی فون تے ڳالھ مہاڑ

اسلام آباد۔30اپریل(اے پی پی) نائب وزیراعظم/ وزیر خارجہ سینیٹر محمد اسحاق ڈار سلطنت اومان دے وزیر خارجہ سید بدر بن حمد بن حمود البوسیدی نال ٹیلی فون تے ڳالھ مہاڑ کیتی ۔ دفتر خارجہ موجب نائب وزیراعظم  انہاں کوں موجودہ علاقائی صورتحال تے بریفنگ ݙتی۔ انہاں آکھیے بھارت دا اشتعال انگیز پروپیگنڈہ ، غیر قانونی یکطرفہ اقدامات اتے سندھ طاس معاہدہ دی معطلی بین الاقوامی قانون دی واضح خلاف ورزی اے۔ اومان دے وزیر خارجہ مسئلیں دے حل سانڳے کشیدگی گھٹ کرݨ ، مذاکرات اتے سفارت کاری دی اہمیت تے زور ݙتے ۔ نائب وزیراعظم ایران اتے امریکا دے مذاکرات سانڳے اومان دی کوششاں دی تعریف کیتی تے انہاں دی کامیابی سانڳے نیک تمناواں دا اظہار کیتے۔