رانا احسان افضل خان نال کینیڈین ہائی کمیشن دے قونصلر دی ملاقات،اہم امور تے ڳالھ مہاڑ

اسلام آباد۔30اپریل  (اے پی پی) وزیراعظم دے معاون خصوصی تجارت رانا احسان افضل خان کینیڈین ہائی کمیشن دے قونصلر ڈینیئل آرسینالٹ نال وزیراعظم دفتر اچ ملاقات کیتی ۔ ایں ملاقات اچ ݙوپاسے تجارت دے ودھارے، جنرل پریفرینشل ٹیرف پلس (جی پی ٹی پلس) کوں مزید موثر بݨاوݨ، سانجھی سرمایہ کاری دے معاہدے (بی آئی ٹی) اچ پیشرفت تے اہم امور تے ڳالھ مہاڑ کیتی ڳئی ۔ملاقات اچ پاکستان دی ٹیکسٹائل برآمدات اتے کینیڈا دی کینولا درآمدات ودھاوݨ دے حوالے نال ڳالھ مہاڑ کیتی ڳئی ۔ ملاقات اچ رانا احسان ’’اڑان پاکستان‘‘ وژن تے روشنی پاتی جئیں دا مقصد جی پی ٹی پلس سکیم دے تحت برآمدات اچ ودھارا اے ۔ اے سکیم جنوری 2025ء اچ اپ ڈیٹ کیتی ڳئی جیڑھا جو ہݨ 80 فیصد ٹیرف لائنز دا احاطہ کریندی اے ۔ملاقات اچ بی آئی ٹی تے وی ڳالھ مہاڑ کیتی ڳئی تاں جو ݙوہیں ملکاں دے سرمایہ کاراں دے مفادات دا تحفظ کیتا ونڄ سڳےایں توں نہ صرف کینیڈین کمپنیاں جیویں جو اسکوٹیابینک اتے میگنا انٹرنیشنل پاکستان اچ ملازمتاں پیدا کرسڳسن  بلکہ پاکستانی کمپنیاں جیویں شان فوڈز وی کینیڈا دی مارکیٹ اچ مزید ودھارا پا سڳسن ۔رانا احسان آکھیے پاکستان اتے کینیڈا وچال اقتصادی تعاون مزید گھاٹا تھیوݨ ویندا پئے۔ ملاقات اچ پاکستان کوں تجارتی مرکز دے طور تے اجاگر وی کیتا ڳئے۔