کوئی شک  نئیں، ٻھارت کوں اوندی جارحیت دا تکڑا ولدا ݙتا ویسی، وزیر دفاع خواجہ آصف

اسلام آباد۔30اپریل(اے پی پی)وزیر دفاع خواجہ آصف آکھیے جو بھارت جتنی طاقت استعمال کریسی اوکوں اوں توں ودھ تکڑا لدا ݙیسوں۔ پاک بھارت کشیدگی اتے ثالثی بارے میڈیا نال الیندے انہاں آکھیا جو بھارتی حملے کوں ݙیکھسوں ڄیکر خلاف ورزی تھئی تاں اوندا تکڑا ولدا ݙیسوں ایندے تے کہیں کوں کوئی وی شک نئیں ہووݨا چاہیدا۔ وفاقی وزیر دفاع آکھیا جو لنڳھدے ویلھے نال حملے دے خطرات ودھدے پین، دوست تے ہمسایہ ملک اتے خطے دیاں وݙیاں طاقتاں وی ݙوہاں ملکاں وچال ثالثی اچ لڳیاں ہوئن، دوست ملک چاہندن جو جنگ دی صورتحال نہ بݨے، اللہ کرے انہاں دی کوشش نال بھارت کوں کڄھ عقل آوے۔ خواجہ آصف ہک واری ول سارے معاملے دی بین الاقوامی سطح تے تحقیقات دا نطالبہ کریندے آکھیے جو عالمی تحقیقات دے مطالبے تے بھارت کوئی ولدا نئیں ݙتا، ایندا مطلب اے دال اچ کڄھ کالا اے، نریندنر مودی دی جماعت کوں ڄݙاں وی ووٹ دی لوڑھ پوندی اے او پاکستان کوں کہیں نا کہیں لانڄے اچ پاوݨ دی کوشش کریندے، اساں جنگ شروع نا کریسوں ٻھل جنگ تھئی تاں ایندا اوکوں اوندے زور دے مطابق ہی تکڑا ولدا ݙتا ویسی۔