محنت کش قوم دی ریڑھ دی ہڈی ہن اتے انہاں دی خدمت قابل فخر ہن، مزدوراں دے جڳ ݙیھاڑ دے موقع تے اعظم نذیر تارڑ دا محنت کشاں کوں خراجِ تحسین

اسلام آباد۔1مئی  (اے پی پی) وفاقی وزیر قانون تے انصاف سینیٹر اعظم نذیرتارڑ مزدوراں دے جڳ ݙیھاڑ دے موقع تے محنت کشاں کوں خراجِ تحسین پیش کریندیں ہوئیں آکھیا جو محنت کش قوم دی ریڑھ دی ہڈی ہن اتے انہاں دی خدمت قابل فخر ہن۔ وزارت قانون تے اںصاف توں جاری بیان موجب وفاقی وزیر آکھیا جو محنت کشاں دے حقوق دا تحفظ حکومت دی پہلی ترجیح اے۔ مزدور دی خوشحالی، پاکستان دے روشن مستقبل دی ضمانت اے۔ انہاں آکھیا جو وزارت قانون تے انصاف مزدوراں کیتے مضبوط قانونی تحفظات دی حامی اے، انصاف، وقار اتے تحفظ ہر محنت کش دا بنیادی حق اے۔ انہاں مزدوراں دے جڳ ݙیھاڑ تے مزدوراں دی عظمت، لگن اتے قربانیاں کوں وی سلام پیش کیتا۔