شہری علاقیاں اچ پرائمری ہیلتھ کیئر دے نظام کوں مضبوط ٻݨایا ویندا پئے، ہر تریمت کوں آپݨی صحت تے بہبود بارے باخبر فیصلے کرݨ دا حق اے، ڈاکٹر مختاراحمد بھرتھ

اسلام آباد۔1مئی  (اے پی پی) وزیر مملکت برائے صحت ڈاکٹر مختاراحمد بھرتھ آکھیا جو شہری علاقیاں اچ پرائمری ہیلتھ کیئر دے نظام کوں مضبوط ٻݨایا ویندا پئے، ہر تریمت کوں آپݨی صحت تے بہبود بارے باخبر فیصلے کرݨ دا حق اے۔  قومی وزارت صحت توں خمیس کوں جاری اعلامیہ موجب اے ڳالھیں انہاں برطانوی ہائی کمیشن دے گلوبل ہیلتھ ڈائریکٹوریٹ مشن  نال ملاقات اچ کیتی۔ وزیر مملکت صحت ڈاکٹر مختار احمد بھرتھ نال برٹش ہائی کمیشن دے گلوبل ہیلتھ ڈائریکٹوریٹ مشن دے وفد ملاقات کیتی۔ ایں موقع تے برطانیہ دے تعاون نال جاری “ایویڈنس فار ہیلتھ پروگرام” دی پیش رفت دا جائزہ ڳھدا ڳئیا۔ ڈاکٹر مختار بھرتھ ملاقات اچ  پاکستان اچ صحت دے شعبے اچ مضبوط اتے پائیدار اصلاحات کیتے حکومت دا عزم کیتا۔ انہاں آکھیا جو شہری علاقیاں اچ پرائمری ہیلتھ کیئر دے نظام کوں مضبوط ٻݨایا ویندا پئے، ہر تریمت کوں آپݨی صحت تے بہبود بارے باخبر فیصلے کرݨ دا حق اے۔ڈاکٹر مختار بھرتھ پاکستان اچ مقامی سطح تے ویکسین ٻݨاوݨ دے وژن تے پیش رفت دا ذکر کریندیں ہوئیں آکھیا جو ایں دا مقصد بین الاقوامی مارکیٹ تے انحصار ڳھٹ کرݨ اے۔