دبئی ۔2مئی (اے پی پی) وفاقی وزیر برائے منصوبہ بندی، ترقی تے خصوصی اقدامات، پروفیسر احسن اقبال جمعے کوں دبئی اچ پاکستان بزنس کونسل (پی بی سی) دے وفد نال ملاقات کیتی۔ ملاقات اچ متحدہ عرب امارات اچ پاکستان دے سفیرفیصل نیاز ترمذی، قونصل جنرل حسین محمد اتے ٻئے اعلیٰ حکام موجود ہن۔ چیئرمین پاکستان بزنس کونسل دبئی شبیر مرچنٹ وفاقی وزیر دا خیر مقدم کیتا اتے اوورسیز کنونشن اسلام …
وفاقی وزیر برائے منصوبہ بندی، ترقی تے خصوصی اقدامات دی پاکستان بزنس کونسل دبئی دے وفد نال ملاقات، یو اے ای نال معاشی تعلقات ودھاوݨ کیتے تجویزاں منڳ ڳھدی
دبئی ۔2مئی (اے پی پی) وفاقی وزیر برائے منصوبہ بندی، ترقی تے خصوصی اقدامات، پروفیسر احسن اقبال جمعے کوں دبئی اچ پاکستان بزنس کونسل (پی بی سی) دے وفد نال ملاقات کیتی۔ ملاقات اچ متحدہ عرب امارات اچ پاکستان دے سفیرفیصل نیاز ترمذی، قونصل جنرل حسین محمد اتے ٻئے اعلیٰ حکام موجود ہن۔ چیئرمین پاکستان بزنس کونسل دبئی شبیر مرچنٹ وفاقی وزیر دا خیر مقدم کیتا اتے اوورسیز کنونشن اسلام آباد دی کامیابی تے حکومت دی کوششاں دی تعریف کیتی۔سفیر فیصل ترمذی وفاقی وزیردے اڄوکے دورہ متحدہ عرب امارات اتے اعلیٰ سطحی ملاقاتاں بارے تفصیل پیش کیتی جئیں اچ ابوظہبی اتے دبئی دے اعلیٰ حکام نال ملاقاتاں شامل ہن۔ وفاقی وزیر احسن اقبال متحدہ عرب امارات اچ رہݨ آلی کاروباری برادری تے زور ݙتا جو او برآمدات ودھاوݨ اتے سرمایہ کاری ڳھن آوݨ اچ کردار ادا کرن۔
