راولپنڈی۔3 مئی (اے پی پی) پاکستان ہفتے کوں ابدالی ویپن سسٹم دا کامیاب تربیتی تجربہ کیتے۔ ابدالی میزائل 450 کلومیٹر تئیں زمین توں زمین تے مار کرݨ آلے سابقہ انڈس دا حصہ اے۔ پاک فوج دے شعبہ تعلقات عامہ (آئی ایس پی آر) توں جاری پریس ریلیز اچ آکھیا ڳئے جو ابدالی میزائل دے ٹیسٹ دا مقصد فوج دی آپریشنل تیاری کوں یقینی بݨاوݨ اتے میزائل دے جدید نیوی …
پاکستان دا شارٹ رینج میزائل ابدالی دا کامیاب تجربہ
راولپنڈی۔3 مئی (اے پی پی) پاکستان ہفتے کوں ابدالی ویپن سسٹم دا کامیاب تربیتی تجربہ کیتے۔ ابدالی میزائل 450 کلومیٹر تئیں زمین توں زمین تے مار کرݨ آلے سابقہ انڈس دا حصہ اے۔ پاک فوج دے شعبہ تعلقات عامہ (آئی ایس پی آر) توں جاری پریس ریلیز اچ آکھیا ڳئے جو ابدالی میزائل دے ٹیسٹ دا مقصد فوج دی آپریشنل تیاری کوں یقینی بݨاوݨ اتے میزائل دے جدید نیوی گیشن سسٹم سودھے اہم تکنیکی پیرامیٹرز دی توثیق اے۔ کمانڈرآرمی اسٹریٹجک فورسز کمانڈ، اسٹریٹجک پلانز ڈویژن، آرمی اسٹریٹجک فورسز کمانڈ دے سینئر حکام دے علاوہ پاکستان دے اسٹریٹجک اداریاں دے سائنسداناں اتے انجینئرز وی تجربے دا مشاہدہ کیتے۔ صدر مملکت، وزیراعظم، چیئرمین جوائنٹ چیفس آف اسٹاف کمیٹی اتے سروسز چیفس ٹیسٹ اچ حصہ گھنݨ آلے فوجیاں، سائنسداناں اتے انجینئرز کوں مبارخ باد ݙتی اے۔ انہاں پاکستان دی سٹریٹجک فورسز دی آپریشنل تیاریاں اتے تکنیکی مہارت تے مکمل اعتماد دا اظہار کریندے ہوئیں آکھیے گھٹ توں گھٹ ڈیٹرنس کوں یقینی طور تے قابل اعتماد بݨایا ڳئے اتے کہیں وی جارحیت دے خلاف قومی سلامتی دی حفاظت کیتی ویسی۔
