سردارایازصادق دی ابدالی ویپن سسٹم دے کامیاب تجربے تے مسلح افواج، سائنسداناں تے انجینئرز کوں مبارخ باد

اسلام آباد۔3مئی(اے پی پی) قومی اسمبلی دے اسپیکر سردار ایاز صادق ابدالی ویپن سسٹم دے کامیاب تجربے تے مسلح افواج، ملک دے مایہ ناز سائنسداناں تے انجینئرز کوں دلوں مبارخ ݙتی اے ۔ قومی اسمبلی دے اسپیکر ہک تہنیتی بیان جاری کریندے آکھیے ابدالی ویپن سسٹم دے کامیاب تجربے نال پاکستان دا دفاع مزید تکڑا تھی ڳئے تے اے کامیابی قومی سلامتی دی مضبوطی دی علامت اے۔ انہاں آکھیا جو پاکستان دے دفاع کوں ناقابل تسخیر بݨاوݨ آلے سائنسداناں تے انجینئرز دی پیشہ ورانہ خدمات ہمیشہ یاد رکھی ویسن۔ انہاں آکھیا، قوم کوں اپݨی مسلح افواج، سائنسداناں تے انجینئرز تے ماݨ اے، جیڑھے ݙینھ رات ملک دے دفاع کوں تکڑا بݨاوݨ کیتے کوشاں ہن۔ پوری قوم انہاں دی صلاحیتاں کوں قدر دی نگاہ نال ݙیکھدی اے تے انہاں دی کامیابیاں کیتے دعا کریندی اے۔ اسپیکر سردار ایاز صادق آکھیا جو پاکستان دا دفاع مضبوط تے محفوظ ہتھاں وچ اے تے دشمن کݙاہیں وی ساݙی مسلح افواج دی موجودگی وچ پاکستان کنے میلی اکھ نال نی ݙیکھ سڳدا۔ انہاں مسلح افواج، سائنسداناں تے انجینئرز کیتے نیک تمناواں دا اظہار کریندے آکھیا جو اے قومی ہیرو ساݙے کیتے ماݨ ہن تے انہاں دیاں کامیابیاں پاکستان دے روشن مستقبل دی نوید ہن۔