جموں تے کشمیر دی متنازعہ حیثیت تبدیل کرݨ دے ہک پاسے اتے غیر قانونی بھارتی اقدامات اقوام متحدہ دے چارٹر دی کھلی خلاف ورزی ہن، نائب وزیراعظم تے وزیر خارجہ محمد اسحاق ڈار دا یوم استحصال تے سنیھا

اسلام آباد۔5اگست (اے پی پی) نائب وزیر اعظم تے وزیر خارجہ سینیٹر محمد اسحاق ڈار آکھیا جو “بھارت آپݨے غیر قانونی قبضے آلے جموں تے کشمیر دی متنازعہ حیثیت تبدیل کرݨ دے حوالے نال کئی ہک پاسے اتے غیر قانونی اقدامات چاتے جو اقوام متحدہ دے چارٹر، سلامتی کونسل دی قرارداداں اتے بین الاقوامی قانون بشمول چوتھے جنیوا کنونشن دی کھلی خلاف ورزی ہن، کشمیری گزریل ست ݙھاکیاں توں اقوام متحدہ دی سلامتی کونسل دے وعدیاں دے پورے تھیوݨ دا انتظار کریندے پئن، ویلھے دی لوڑھ اے جو بین الاقوامی برادری بھارت تے دباؤ پاوے جو او ایں دے غیر قانونی طور تے قبضے آلے جموں تے کشمیر اچ انسانی حقوق دی خلاف ورزیاں کوں ختم کرے اتے متعلقہ اقوام متحدہ دی سلامتی کونسل دی قرارداداں تے عملدرآمد کرے۔ نائب وزیر اعظم/وزیر خارجہ اسلامی جمہوریہ پاکستان، سینیٹر محمد اسحاق ڈار دا یوم استحصال 5 اگست 2025 تے سنیھے اچ آکھیا ڳیا جو اڄ دے ݙینہہ، چھی سال پہلے، بھارت مقبوضہ جموں تے کشمیر (IIOJK) دی متنازعہ حیثیت تبدیل کرݨ دے حوالے نال کئی ہک پاسے اتے غیر قانونی اقدامات چاتے جو بین الاقوامی سطح تے منی ڳئی متنازعہ حیثیت کوں ختم کرݨ اتے بھارتی قبضے کوں مضبوط کرݨ دی کوشش ہئی۔اسحاق ڈار آکھیا جو “لکھاں بھارتی فوجیاں دی موجودگی اچ، مقبوضہ کشمیر دنیا دے انتہائی فوجی علاقیاں اچوں ہک بݨ ڳئے۔ ہزاراں کشمیری سیاسی قیدی سالاں توں جیلاں اچ سڑدے پئن۔ انہاں آکھیا جو کشمیری صحافیاں اتے انسانی حقوق دے کارکناں نال غلط سلوک بھارت ولوں اختلاف رائے کوں دباوݨ دی کوششاں کوں ٻیا واضح کر ݙتے۔ نائب وزیراعظم تے وزیر خارجہ آکھیا جو “پہلگام واقعے دے بعد شروع کیتی ڳئی وݙے پیمانے تے کارروائی ثابت کیتا جو بھارت آپݨے غیر قانونی قبضے اچ جموں تے کشمیر کوں ہݨ وی ہک کالونی سمجھدے۔ ویلھے دی لوڑھ اے جو بین الاقوامی برادری بھارت تے دباؤ پاوے جو او آپݨے غیر قانونی قبضے آلے جموں تے کشمیر اچ انسانی حقوق دی خلاف ورزیاں کوں ختم کرے اتے متعلقہ اقوام متحدہ دی سلامتی کونسل دی قرارداداں تے عملدرآمد کرے۔پاکستان کشمیری عوام دی حق خود ارادیت دے حصول دی جائز جدوجہد کوں پوری اخلاقی، سفارتی اتے سیاسی حمایت جاری رکھیسی۔