نائب وزیراعظم اسحاق ڈار دی اڳواݨی اچ بین الوزارتی اجلاس، بین الوزارتی تعاون تکڑا کرݨ اتے شفاف طرز حکمرانی اپݨاوݨ تے غور

اسلام آباد۔6اگست(اے پی پی)نائب وزیراعظم و وزیر خارجہ سینیٹر محمد اسحاق ڈار حکومتی نظام دی مجموعی کارکردگی کوں بہتر بݨاوݨ کیتے حکومت دے مختلف اہم شعبیاں دے نال بین الوزارتی اجلاس دی صدارت کیتی۔ اجلاس اچ بین الوزارتی تعاون کوں تکڑا بݨاوݨ، طریقہ کار کوں سوکھا اتے ہکو سواں طرز حکمرانی اپݨاوݨ تے ڳالھ مہاڑ کیتی ڳئی جیڑھی موثر، شفاف، جدید ٹیکنالوجی اتے نتائج آلی ہووے۔ نائب وزیر اعظم و وزیر خارجہ ادارہ جاتی کارکردگی، احتساب اتے بہتر ربط و عمل درآمد دے ذریعے قابل پیمائش نتائج کیتے حکومت دا عزم دوہرایا۔ اجلاس اچ وزیر اقتصادی امور، پٹرولیم، آئی ٹی، وزیر اعظم دے مشیران برائے وزیر اعظم آفس، صنعت و پیداوار، طرز حکمرانی، نجکاری، معاون خصوصی برائے مالیات طارق باجوہ، اسٹیبلشمنٹ، اقتصادی امور، نجکاری دے وفاقی سیکرٹریز اتے متعلقہ محکمیاں دے ٻئے افسراں شرکت کیتی۔