صدر آصف علی زرداری دا رومانیہ دے سابق صدر آئن ایلیسکو دے انتقال تے ݙکھ تے افسوس

اسلام آباد۔7اگست (اے پی پی) صدر مملکت آصف علی زرداری رومانیہ دے سابق صدر آئن ایلیسکو دے انتقال تے ݙکھ تے افسوس کیتے ۔ ایوان صدر دے پریس ونگ توں جاری بیان موجب صدر مملکت حکومت پاکستان اتے عوام دی طرفوں رومانیہ دی قیادت، عوام اتے مرحوم دے ٹٻر نال دلی تعزیت دا اظہار کیتا۔ صدر مملکت آکھیا جو آئن ایلیسکو رومانیہ دی جمہوری تاریخ اچ کلیدی کردار ادا کیتے، انہاں دیاں خدمتاں ہمیشہ یاد رکھیاں ویسن۔ صدر مملکت آکھیا جو ݙکھے ویلھے پاکستانی قوم رومانیہ دے عوام دے نال اے۔