میجر طفیل محمد شہید 8 اگست کوں آپݨی قیمتی رَت نال بہادری تے جرات دی تاریخ رقم کیتی، محسن نقوی

اسلام آباد۔8اگست (اے پی پی) وفاقی وزیر داخلہ محسن نقوی آکھیے جو “میجر طفیل محمد شہید 8 اگست کوں آپݨی قیمتی رَت نال بہادری اتے جرات دی تاریخ لکھی اتے دشمن دے مذموم عزائم کوں مٹی اچ رلا تے ساوے تارے آلے جھنڈے کوں سرخرو کیتا۔ آپݨے تعزیتی بیان اچ وزیر داخلہ محسن نقوی آکھیا جو نشان حیدر دے وارث، عظیم سپاہی دشمن کوں ایں دیاں صفاں اچ ونڄ تے ماریے، میجر طفیل محمد شہید دشمن دیاں گولیاں دا سامݨا کریندیں بٹالین دی قیادت کیتی اتے شجاعت دی لازوال داستان رقم کیتی، میجر طفیل محمد شہید زخمی تھیوݨ دے باوجود اڳوں ودھݨ کوں نہ روکیا اتے دشمن کوں واپس ونڄݨ تے مجبور کیتا۔ وفاقی وزیر داخلہ محسن نقوی آکھیے جو بے مثال شجاعت دا اے عظیم لمحہ اساݙیاں نویاں نسلاں کوں ہمیشہ حوصلے اتے عزم دا درس ݙیندا رہسی، قوم میجر طفیل محمد شہید کوں سلام پیش کریندی اے جنہاں ساریں توں اڳوں کھڑ تے جنگ دا رخ بدل ݙتا۔میجر طفیل محمد شہید دے آخری لفظ جیڑھے ”میں آپݨا کم پورا کر ݙتے، دشمن بھڄ ڳئے”، اڄ ہک قومی حقیقت اے اتے میجر طفیل محمد شہید دے اے تاریخی لفظ اڄ وی وطن دے ہر سپاہی دا نعرہ ہن۔ وزیر داخلہ محسن نقوی مزید آکھیا جو فیلڈ مارشل سید عاصم منیر دی دلیرانہ قیادت اچ پاک بھارت جنگ دے دوران اے سنہرے الفاظ ہر میدان اچ گڄدے رہیے اتے دشمن کوں ہر محاذ تے شرمندگی چاوݨی پئی، ہݨے جنگ اچ اساݙا ہر سپاہی میجر طفیل محمد شہید بݨ تے لڑیا اتے اللہ تعالیٰ قوم کوں بے مثال فتح ݙتی، دشمن کوں ݙند بھن جواب ݙیوݨ آلے میجر طفیل محمد شہید کوں سلام، میجر طفیل محمد شہید دی لازوال قربانی کوں دلیر قوم ہمیشہ یاد رکھیسی۔