سکیورٹی فورسز فتنے الہندوستان دے 33 دہشت گرداں کوں عبرتناک انجام تئیں پڄا تے وݙی کامیابی حاصل کیتی اے، وزیر داخلہ محسن نقوی

اسلام آباد۔8اگست (اے پی پی) وفاقی وزیر داخلہ محسن نقوی آکھیے جو سکیورٹی فورسز فتنے الہندوستان دے 33 دہشت گرداں کوں عبرتناک انجام تئیں پڄا تے وݙی کامیابی حاصل کیتی اے۔ آپݨے بیان اچ انہاں پاک افغان سرحد توں فتنے الہندوستان دے دہشت گرداں دی ژوب اچ دراندازی دی کوشش کوں ناکام بݨاوݨ تے سکیورٹی فورسز کوں زبردست لفظاں اچ خراج تحسین پیش کیتا۔ انہاں دا آکھݨ ہئی جو فتنے الہندوستان دے دہشت گرداں دا انجام عبرتناک موت اے، فتنے الہندوستان دے دہشت گرداں اتے حمایت کرݨ آلیں کہیں صورت نہ چھوڑیسوں۔ انہاں آکھیا جو “فتنہ الہندوستان دے دہشت گرداں دے ناپاک عزائم کوں مٹی اچ رلاوݨ تے سکیورٹی فورسز کوں سلیوٹ کریندوں ۔ وزیر داخلہ محسن نقوی سکیورٹی فورسز دیاں پیشہ ورانہ صلاحیتاں دی تعریف کریندے آکھیا جو قوم سکیورٹی فورسز دیاں کارروائیاں کوں تعریف دی نظر نال ݙیکھدی اے، قوم کوں سکیورٹی فورسز دی پیشہ ورانہ مہارت اتے جرات تے ماݨ اے، قوم سکیورٹی فورسز دے نال کھڑی اے۔