وزیراعظم محمد شہباز شریف دا بلوچستان دے ضلع ژوب اچ کارروائی دے دوران 33 خارجی دہشت گرداں کوں ہلاک کرݨ تے سکیورٹی فورسز کوں خراج تحسین

اسلام آباد۔8اگست (اے پی پی) وزیراعظم محمد شہباز شریف ضلع ژوب دے سرحدی علاقے اچ پاک-افغان سرحد توں پاکستان اچ داخل تھیوݨ دی کوشش کرݨ آلے فتنے الخوارج دے دہشت گرداں کوں روکݨ اتے انہاں دے خلاف کامیاب کارروائی تے سکیورٹی فورسز کوں خراج تحسین پیش کیتے۔ وزیراعظم دفتردے میڈیا ونگ ولوں جاری بیان موجب وزیراعظم کارروائی اچ 33 خارجی دہشت گرداں کوں ہلاک کرݨ تے سکیورٹی فورسز دی تعریف کیتی اے۔ انہاں آکھیا جو سکیورٹی فورسز دے نینگراں آپݨی جان تے کھیݙ تے دہشت گرداں دی دراندازی ناکام بݨائی اتے انہاں دے ناپاک عزائم کوں مٹی اچ ملا ݙتا، دہشت گردی دے خلاف جنگ اچ پوری قوم سکیورٹی فورسز دے نال کھڑی اے۔ انہاں آکھیا جو ملک توں ہر طرح دی دہشت گردی دے مُنڈھوں خاتمے کیتے پرعزم ہیسے۔