اسلام آباد۔9اگست (اے پی پی) وزیراعظم محمد شہباز شریف ریاض اچ تھیوݨ آلے نویں فیوچر انویسٹمنٹ انیشی ایٹو فورم اچ شرکت کیتے دعوت قبول کرڳھدی۔ وزیراعظم دفتر دے میڈیا ونگ توں جاری بیان موجب وزیراعظم شہباز شریف نال پاکستان اچ تعینات سعودی عرب دے سفیر نواف بن سعید المالکی وزیراعظم ہاؤس اچ ملاقات کیتی۔ سعودی سفیر وزیراعظم کوں 27-30 اکتوبر کوں ریاض اچ تھیوݨ آلے نویں فیوچر انویسٹمنٹ انیشی …
وزیراعظم محمد شہباز شریف نال سعودی سفیر نواف بن سعید المالکی دی ملاقات
اسلام آباد۔9اگست (اے پی پی) وزیراعظم محمد شہباز شریف ریاض اچ تھیوݨ آلے نویں فیوچر انویسٹمنٹ انیشی ایٹو فورم اچ شرکت کیتے دعوت قبول کرڳھدی۔ وزیراعظم دفتر دے میڈیا ونگ توں جاری بیان موجب وزیراعظم شہباز شریف نال پاکستان اچ تعینات سعودی عرب دے سفیر نواف بن سعید المالکی وزیراعظم ہاؤس اچ ملاقات کیتی۔ سعودی سفیر وزیراعظم کوں 27-30 اکتوبر کوں ریاض اچ تھیوݨ آلے نویں فیوچر انویسٹمنٹ انیشی ایٹو فورم اچ شرکت کیتے ولی عہد شہزادہ محمد بن سلمان بن عبدالعزیز آل سعود ولوں دستخط شدہ دعوت نامہ پیش کیتا۔ کانفرنس اچ شرکت دی دعوت قبول کریندیں وزیراعظم دعوت نامہ بھیجݨ تے ولی عہد شہزادہ محمد بن سلمان دا دلوں شکریہ ادا کیتا۔ وزیراعظم خادم حرمین شریفین شاہ سلمان بن عبدالعزیز آل سعود اتے ولی عہد شہزادہ محمد بن سلمان کیتے نیک خواہشات دا اظہار کیتا۔ ملاقات دے دوران خطے دی ہال دی پیشرفت تے وی ڳالھ مہاڑ کیتی ڳئی۔ ملاقات اچ نائب وزیراعظم اتے وزیر خارجہ اسحاق ڈار اتے وزیراعظم دے مشیر طارق فاطمی اتے ڈاکٹر توقیر شاہ وی موجود ہن۔
