اسلام آباد۔10اگست (اے پی پی) سینیٹر مسلم لیگ (ن) عرفان صدیقی بھارت ولوں پاکستان دے پنج جیٹ طیارے مار ڈھاوݨ دے بھارتی ایئر چیف مارشل اے پی سنگھ دے دعوے کوں مسترد کریندیں ایں کوں کُوڑ، بے بنیاد اتے بے شرمی قرار ݙتے۔ آپݨے ہک انٹرویو اچ سینیٹر عرفان صدیقی بھارتی دعوے کوں سختی نال مسترد کریندیں آکھیا جو ایویں کُوڑ نال بھارت دی فوجی کامیابی دی کُوڑی تصویر کشی …
عرفان صدیقی پاکستانی طیارے ڈھاوݨ دے بھارتی ایئر چیف دے دعوے کوں مسترد کر ݙتا
اسلام آباد۔10اگست (اے پی پی) سینیٹر مسلم لیگ (ن) عرفان صدیقی بھارت ولوں پاکستان دے پنج جیٹ طیارے مار ڈھاوݨ دے بھارتی ایئر چیف مارشل اے پی سنگھ دے دعوے کوں مسترد کریندیں ایں کوں کُوڑ، بے بنیاد اتے بے شرمی قرار ݙتے۔ آپݨے ہک انٹرویو اچ سینیٹر عرفان صدیقی بھارتی دعوے کوں سختی نال مسترد کریندیں آکھیا جو ایویں کُوڑ نال بھارت دی فوجی کامیابی دی کُوڑی تصویر کشی کرݨ دے حوالے نال بھارتی مایوسی ظاہر تھیندی پئی اے اتے بین الاقوامی سطح تے ایں دی ساکھ وی متاثر تھئی اے۔ انہاں مزید آکھیا جو “وݙی خاموشی دے بعد کیتا ڳیا بے بنیاد دعویٰ صرف دنیا کوں دھوکہ ݙیوݨ اتے غیر ضروری تناؤ کوں ودھاڑا ݙیوݨ دی ہک کوشش اے۔ عرفان صدیقی بھارتی بیان کوں مکمل طور تے من گھڑت، دھوکے تے مبنی اتے ہندوستانی عوام اتے عالمی برادری کوں گمراہ کرݨ دی ہک مایوس کن کوشش قرار ݙتا۔ انہاں آکھیا جو ایویں لڳدے جو بھارت پوری دنیا کوں اندھا اتے بے خبر سمجھدے۔ انہاں نشاندہی کیتی جو 95 ݙینھ گزرݨ دے بعد وی وزیراعظم مودی دی پارلیمنٹ اچ لمبی تقریر اتے پاکستان دے واضح سرکاری موقف دے باوجود بھارتی فوجی قیادت ولوں مکمل خاموشی اے۔ انہاں مزید آکھیا جو “ہݨ اچانک بھارتی ایئر چیف کُوڑ مارݨ دا انتخاب کیتے جیں نال عالمی سطح تے بھارت دی ساکھ کوں نقصان پڄسی۔ انہاں آکھیا جو بھارتی ایئر چیف دا اچانک اتے کُوڑا دعویٰ بھارت کوں عالمی سطح تے مزید شرمندہ کریسی اتے ایں کوں بین الاقوامی تضحیک دا نشانہ وی بݨیسی۔ ہک سوال دے جواب اچ انہاں مزید آکھیا جو پاکستان مسلم لیگ (ن) دی قیادت ٻاہرلے خطریں اتے اندرلے چیلنجز دا مقابلہ کرݨ کیتے ثابت قدم اتے متحد اے اتے ملکی مفاداں دے ہر قیمت تے دفاع کیتے پرعزم اے۔
