وزیراعظم شہباز شریف دا ترکیہ اچ زلزلے تے ݙکھ اتے افسوس

اسلام آباد۔11اگست (اے پی پی) وزیراعظم محمد شہباز شریف ترکیہ اچ زلزلے تے ݙکھ اتے افسوس کریندیں ہوئیں آکھیا جو پاکستان ایں مشکل ویلھے اچ ترکیہ دی ہر طرح دی مدد کیتے تیار اے۔ سنوار کوں وزیراعظم آفس دے میڈیا ونگ ولوں جاری بیان موجب وزیراعظم شہباز شریف آکھیا جو ترکیہ دے صوبے بالکسر اچ زلزلے تے انہاں دا دل ݙکھی اے، اساݙی ساری دعائیں اتے ہمدردیاں متاثرین دے نال ہن اتے اساں آپݨے ترک بھراواں اتے بھیݨیں دی ایں حادثے اچ حفاظت اتے جلدی صحت یابی کیتے دعا کریندوں۔ وزیراعظم آکھیا جو او آپݨے بھرا ترک صدر رجب طیب ایردوان نال دل دی اتھاہ گہرائیاں توں ایں قدرتی سانحے تے افسوس تے ہمدردی دا اظہار کریندن۔ پاکستان ترکیہ دی ایں مشکل گھڑی اچ ہر طرح دی مدد کیتے تیار اے۔