وزیراعظم دا پاکستانی کاروباری اداریاں دے ملکی معاشی سمت تے اعتماد بارے گیلپ سروے رپورٹ تے اطمینان

اسلام آباد۔11اگست(اے پی پی)وزیراعظم محمد شہباز شریف پاکستانی کاروباری اداریاں دے ملکی معاشی سمت تے اعتماد بارے گیلپ سروے بزنس کانفڈنس انڈیکس رپورٹ تے اطمینان کریندے آکھیے جو “گیلپ سروے دے نتیجے کاروباری برادری کیتے ملک دی سیاسی و اقتصادی صورتحال اچ استحکام دے عکاس ہین، حکومتی اقدامات اتے اصلاحاتی ایجنڈے پاروں نظام اچ شفافیت آئی اے اتے تاجر برادری کیتے سہولتاں نکلین۔ وزیراعظم اپݨے بیان اچ آکھیے جو گیلپ سروے دے مطابق کاروباری اداریاں دا پاکستان دی معیشت تے اعتماد گزریل چار سالاں دی سب توں اُچی سطح تے پڄ ڳئے ڄیڑا حوصلہ افزا اے، سروے دے مطابق 2024 دی آخری سہ ماہی دے مقابلے اچ ملکی معاشی سمت دا سکور منفی 2 تے آ ڳئے جیڑھی 2021 دی چوتھی سہ ماہی دے بعد سب توں اُچی سطح اے۔ انہاں آکھیا جو حکومت دے ادارہ جاتی اصلاحات دے ایجنڈے، ایف بی آر دی ڈیجیٹائزیشن اتے توانائی دے شعبے اچ اصلاحات ملک اچ کاروبار اتے سرمایہ کاری کیتے نویں راہواں کھولیئن، ہر ݙینھ بہتر تھیندے معاشی اشاریے، بین الاقوامی مالیاتی اداریاں دی پاکستان دی کریڈٹ ریٹنگز اچ بہتری حکومت دی بہترین معاشی پالیسی، کرپشن اتےرشوت اچ گھٹکی اتے شفافیت دا ثبوت ہین، میکرو اکنامک اصلاحات دے ثمرات عام بندے تئیں پڄݨ شروع تھی ڳئن، حکومت ادارہ جاتی کارکردگی ٻئی چنقی کرݨ اچ ردھی ہوعی اے، ایں توں پہلے پاکستان سٹاک انڈیکس دا 100 انڈیکس ہک لکھ 47 ہزار پوائنٹس دی سب توں اُچی سطح پار کر ڳئے، حکومت ملک اچ کاروباری برادری اتے سرمایہ کاراں کیتے ودھ سہولتاں ݙیوݨ سانڳے کاروباری برادری نال صلاح مشورے ودھیندی پئی اے۔