بھارتی سپانسرڈ دہشت گرداں کوں ہلاک کرݨ تے سکیورٹی فورسز کوں سلام پیش کرینداں، سپیکر قومی اسمبلی

اسلام آباد۔12اگست (اے پی پی) سپیکر قومی اسمبلی سردار ایاز صادق ژوب آپریشن تے سکیورٹی فورسز کوں خراج تحسین پیش کریندیں ہوئیں آکھیا جو 7 توں 11 اگست، 50 بھارتی سپانسرڈ دہشت گرداں کوں ہلاک کرݨ تے سکیورٹی فورسز کوں سلام پیش کرینداں۔ منگل کوں آپݨے ہک بیان اچ انہاں آکھیا جو دہشت گرداں دے خلاف کارروائیاں فورسز دی پیشہ ورانہ مہارت دا ثبوت ہن۔ دہشت گردی دے خاتمے تئیں فورسز دی کارروائیاں جاری رہسن۔ پوری قوم آپݨی بہادر سکیورٹی فورسز دے نال کھڑی اے۔ شہیداں تے غازیاں دی قربانیاں ہمیشہ یاد رکھی ویسن۔ ملکی امن تے ترقی کیتے فورسز دی خدمتاں ناقابل فراموش ہن۔