سکیورٹی فورسز بلوچستان دے ضلع ژوب اچ بھارتی حمایت یافتہ فتنہ الخوارج دے ٻئے 3 ارکان کوں ہلاک کر ݙتا، آئی ایس پی آر

راولپنڈی۔12اگست (اے پی پی) سکیورٹی فورسز بلوچستان دے ضلع ژوب اچ کلیئرنس دی کارروائی اچ بھارتی حمایت یافتہ فتنہ الخوارج دے ٻئے 3 ارکان کوں ہلاک کر ݙتے، چار ݙینہ اچ پاک افغان سرحد تے گھسن دے خلاف آپریشن اچ ہلاک خوارج دی تعداد 50 تھی ڳئی اے۔ منگل کوں آئی ایس پی آر توں جاری بیان موجب 7 توں 9 اگست دے دوران ضلع ژوب دے علاقے سمبازہ اچ سکیورٹی فورسز کامیاب کارروائیاں اچ 47 خارجیاں کوں جہنم واصل کیتا، 10 اتے 11 اگست دی وچلی رات، پاک افغان سرحد دے نال سمبازہ دے آلے ݙون٘گرے علاقیاں اچ کلیئرنس آپریشن کیتا ڳیا۔ آپریشن اچ ترائے ٻئے ہندوستانی سپانسر شدہ خوارج کوں ہلاک کر ݙتا ڳیا۔ ہلاک تھیوݨ آلے خوارج توں اسلحہ، گولہ بارود اتے دھماکہ خیز مواد وی برآمد تھیا۔ چار ݙینہاں اچ پاک افغان سرحد تے گھسن دے خلاف آپریشن اچ ہلاک خوارج دی تعداد 50 تھی ڳئی۔ سکیورٹی فورسز ملک دی سرحداں کوں محفوظ بݨاوݨ اتے پاکستان دے امن، استحکام اتے ترقی کوں سبوتاژ کرݨ دی کوششاں کوں ناکام بݨاوݨ کیتے پرعزم ہن۔