اسلام آباد۔12اگست (اے پی پی) صدر مملکت آصف علی زرداری ضلع ژوب دے علاقے سمبازہ اچ بھارتی سپانسرڈ دہشت گرداں دی ہلاکت تے سکیورٹی فورسز کوں شاندار خراج تحسین پیش کیتے اتے آکھیا جو پاکستان دے امن، استحکام اتے ترقی دے دشمن کݙاہیں کامیاب نہ تھیسن۔ ایوان صدر دے پریس ونگ توں منگل کوں جاری بیان موجب صدر مملکت آصف علی زرداری آکھیا جو گزریل چار ݙینہاں اچ 50 بھارتی …
صدر آصف علی زرداری دا ژوب اچ بھارتی سپانسرڈ دہشت گرداں دی ہلاکت تے سکیورٹی فورسز کوں خراج تحسین
اسلام آباد۔12اگست (اے پی پی) صدر مملکت آصف علی زرداری ضلع ژوب دے علاقے سمبازہ اچ بھارتی سپانسرڈ دہشت گرداں دی ہلاکت تے سکیورٹی فورسز کوں شاندار خراج تحسین پیش کیتے اتے آکھیا جو پاکستان دے امن، استحکام اتے ترقی دے دشمن کݙاہیں کامیاب نہ تھیسن۔ ایوان صدر دے پریس ونگ توں منگل کوں جاری بیان موجب صدر مملکت آصف علی زرداری آکھیا جو گزریل چار ݙینہاں اچ 50 بھارتی سپانسرڈ دہشت گرداں دی ہلاکت سکیورٹی فورسز دی پیشہ ورانہ مہارت، بہادری اتے عزم دا منہ بولدا ثبوت اے۔ صدر آصف علی زرداری آکھیا جو قوم دہشت گردی دے خلاف آپݨی بہادر مسلح فوجاں دے نال کھڑی اے۔ صدر مملکت آکھیا جو پاکستان دے امن، استحکام اتے ترقی دے دشمن کݙاہیں کامیاب نہ تھیسن۔ “دہشت گردی دے پورے خاتمے تئیں اے جنگ پوری قوت نال جاری رہسی۔
