اسلام آباد۔12اگست (اے پی پی) پاکستان امریکہ ولوں بلوچ لبریشن آرمی (بی ایل اے) اتے مجید بریگیڈ کوں غیر ملکی دہشت گرد تنظیماں قرار ݙیوݨ دے فیصلے دا خیرمقدم کریندیں ہوئیں آکھیا اے جو مجید بریگیڈ کوں بی ایل اے دا اتحادی قرار ݙیوݨ دا فیصلہ خوش آئند اے۔ ترجمان دفتر خارجہ ولوں منگل کوں جاری پریس ریلیز دے مطابق پاکستان 18 جولائی 2024 توں مجید بریگیڈ کوں دہشت گرد …
پاکستان دا امریکہ ولوں بلوچ لبریشن آرمی اتے مجید بریگیڈ کوں غیر ملکی دہشت گرد تنظیماں قرار ݙیوݨ دے فیصلے دا خیرمقدم
اسلام آباد۔12اگست (اے پی پی) پاکستان امریکہ ولوں بلوچ لبریشن آرمی (بی ایل اے) اتے مجید بریگیڈ کوں غیر ملکی دہشت گرد تنظیماں قرار ݙیوݨ دے فیصلے دا خیرمقدم کریندیں ہوئیں آکھیا اے جو مجید بریگیڈ کوں بی ایل اے دا اتحادی قرار ݙیوݨ دا فیصلہ خوش آئند اے۔ ترجمان دفتر خارجہ ولوں منگل کوں جاری پریس ریلیز دے مطابق پاکستان 18 جولائی 2024 توں مجید بریگیڈ کوں دہشت گرد تنظیم قرار ݙتا ہا۔ بی ایل اے / مجید بریگیڈ پاکستان اچ بہوں سارے دہشت گرد حملیاں اچ ملوث ہن جئیں اچ جعفر ایکسپریس تے گھناؤنا دہشت گرد حملہ اتے خضدار بس حملہ وی شامل ہن جئیں دے نتیجے اچ کئی قیمتی جاناں ضائع تھیاں۔ ترجمان دفتر خارجہ آکھیا جو پاکستان دہشت گردی دے خلاف جنگ اچ ثابت قدم اے، اساݙی قربانیاں نہ صرف ملک بلکہ علاقائی استحکام اتے عالمی سلامتی کیتے انسداد دہشت گردی دے حوالے نال اہم کامیابیاں حاصل کیتن۔ دفتر خارجہ آکھیا جو پاکستان آپݨے شہریاں دی حفاظت اتے ہر طرح دی دہشت گردی کوں مکاوݨ کیتے پرعزم اے۔ اساں ایں سانجھے چیلنج تے قابو پاوݨ کیتے وی پرعزم ہن۔
