وفاقی وزیر داخلہ محسن نقوی دا کالعدم بی ایل اے اتے کالعدم مجید بریگیڈ کوں دہشت گرد تنظیماں قرار ݙیوݨ دے امریکی فیصلے دا خیر مقدم

اسلام آباد۔12اگست (اے پی پی) وفاقی وزیر داخلہ محسن نقوی کالعدم بی ایل اے اتے کالعدم مجید بریگیڈ کوں دہشت گرد تنظیماں قرار ݙیوݨ دے امریکی فیصلے دا خیرمقدم کریندیں ہوئیں آکھیا جو امریکی صدر ڈونلڈ ٹرمپ اتے امریکی انتظامیہ دا دلوں شکریہ ادا کریندن۔ وزیر داخلہ محسن نقوی آپݨے بیان اچ آکھیا جو اے پاکستان دی سفارتی محاذ تے اہم کامیابی اے اتے اساݙے ازلی دشمن کیتے ہک بئی شکست اے، امریکی اقدام دہشت گردی دے خلاف جنگ اچ پاکستان دی لازوال قربانیاں دا اعتراف اے۔ انہاں آکھیا جو دہشت گردی دے خلاف پاک امریکہ تعاون خوش آئند اے، کالعدم بی ایل اے اتے کالعدم مجید بریگیڈ دے خلاف عالمی سطح تے کارروائی دی راہ ہموار تھئی اے۔ انہاں آکھیا جو “دہشت گرداں دے خلاف سانجھا موقف ویلھے دی لوڑھ اے، امریکی اقدام نال خطے اچ امن تے استحکام کوں ودھارا ملسی۔