اسلام آباد۔12اگست (اے پی پی) وزیراعظم محمد شہباز شریف ہنگامی موسمی صورتحال اچ خطرے توں ݙرݨ آلے علاقے دے لوکاں کیتے پہلے توں آگاہی یقینی بݨاوݨ دی ہدایت کریندیں ہوئیں آکھیا جو این ڈی ایم اے مینھ تے سیلابی صورتحال دے متاثرین دی مدد تے بحالی اچ صوبیاں دے نال تعاون ٻیا ودھاوے۔ وزیراعظم آفس دی میڈیا ونگ توں جاری بیان موجب انہاں اے ہدایت منگل کوں اتھاں این ڈی …
این ڈی ایم اے مینھ تے سیلابی صورتحال دے متاثرین دی مدد تے بحالی اچ صوبیاں دے نال تعاون ٻیا ودھاوے، وزیراعظم شہباز شریف
اسلام آباد۔12اگست (اے پی پی) وزیراعظم محمد شہباز شریف ہنگامی موسمی صورتحال اچ خطرے توں ݙرݨ آلے علاقے دے لوکاں کیتے پہلے توں آگاہی یقینی بݨاوݨ دی ہدایت کریندیں ہوئیں آکھیا جو این ڈی ایم اے مینھ تے سیلابی صورتحال دے متاثرین دی مدد تے بحالی اچ صوبیاں دے نال تعاون ٻیا ودھاوے۔ وزیراعظم آفس دی میڈیا ونگ توں جاری بیان موجب انہاں اے ہدایت منگل کوں اتھاں این ڈی ایم اے دے چیئرمین لیفٹیننٹ جنرل انعام حیدر ملک نال گالھ مہاڑ کریندیں ہوئیں آکھی جنہاں وزیراعظم نال ملاقات کیتی۔ ملاقات اچ وزیراعظم کوں ملک اچ اڄوکے مینھ تے سیلاب دے متاثرین کیتے جاری امدادی سرگرمیاں تے آوݨ آلی کہیں وی ہنگامی صورتحال دی تیاری بارے بریفنگ ݙتی ڳئی۔ وزیراعظم کوں انہاں دی ہدایت تے گلگت بلتستان اچ پہلے توں اطلاع دے نظام کوں پورا فعال بݨاوݨ اتے وزارت موسمیاتی تبدیلی دے نال ایں بارے تعاون تے تھیوݨ آلی پیشرفت بارے وی ݙسیا ڳیا۔ وزیراعظم ہدایت کیتی جو این ڈی ایم اے مینھ تے سیلابی صورتحال دے متاثرین دی مدد تے بحالی اچ صوبیاں دے نال تعاون ٻیا ودھاوے۔
