اسلام آباد۔12اگست(اے پی پی)وفاقی وزیر مواصلات و صدر استحکام پاکستان پارٹی عبدالعلیم خان نال پاکستان اچ آذربائیجان دے سفیر خضر فرہادوف ملیے۔ وفاقی وزیر مواصلات عبدالعلیم خان دا آکھݨ ہا جو "ݙوہاں ملکاں وچال حالیہ سالاں اچ تعلقات دی مضبوطی اتے آپسی تعاون اچ چنگی پیشرفت تھئی اے، پاکستان اتے آذربائیجان دا اسلام آباد اچ سانجھا چیمبر آف کامرس قائم تھیوݨ بہوں چنگا اتے خوش آئند اقدام اے جیںدے نال …
وفاقی وزیر عبدالعلیم خان نال آذربائیجان دے سفیر خضر فرہادوف دی ملاقات
اسلام آباد۔12اگست(اے پی پی)وفاقی وزیر مواصلات و صدر استحکام پاکستان پارٹی عبدالعلیم خان نال پاکستان اچ آذربائیجان دے سفیر خضر فرہادوف ملیے۔ وفاقی وزیر مواصلات عبدالعلیم خان دا آکھݨ ہا جو “ݙوہاں ملکاں وچال حالیہ سالاں اچ تعلقات دی مضبوطی اتے آپسی تعاون اچ چنگی پیشرفت تھئی اے، پاکستان اتے آذربائیجان دا اسلام آباد اچ سانجھا چیمبر آف کامرس قائم تھیوݨ بہوں چنگا اتے خوش آئند اقدام اے جیںدے نال ݙوہاں ملکاں دی بزنس کمیونٹی کیتے سہولتاں پیدا تھیسن۔ پاکستان اچ آذربائیجان دے سفیر خضر فرہادوف دا آکھݨ ہا جو ݙوہاں ملکاں دی سنڳت آوݨ آلے ݙینہاں اچ ٻئی ودھسی، آذربائیجان وی پاکستان نال ݙوپاسہ تجارت اتے تعاون ودھاوݨ چاہندے۔ انہاں وفاقی وزیر مواصلات اتے صدر استحکام پاکستان پارٹی عبدالعلیم خان دے حالیہ دورہ آذربائیجان دی تعریف کریندے انہاں دی ذاتی دلچسپی اتے کوششاں دی تعریف کیتی جیںدے نال ݙوہیں ملک ودھ نیڑے آئن۔
