اسلام آباد۔13اگست (اے پی پی) یوم آزادی، معرکہ حق دے موقع تے شکر پڑیاں پریڈ گراؤنڈ اسلام آباد اچ دفاعی سازوسامان دی نمائش کیتی ویسی، پورے ملک اچ جشن یوم آزادی اتے معرکہ حق دی تیاریاں زوراں تے ہن، 14اگست دے موقع تے شکر پڑیاں پریڈ گراؤنڈ اچ عوام کیتے خصوصی تقریباں دا اہتمام وی کیتا ویسی۔ یوم آزادی اتے معرکہ حق دی فتح تے افواج پاکستان ولوں قابل فخر …
یوم آزادی، معرکہ حق دے موقع تے شکر پڑیاں پریڈ گراؤنڈ اسلام آباد اچ دفاعی سازوسامان دی نمائش
اسلام آباد۔13اگست (اے پی پی) یوم آزادی، معرکہ حق دے موقع تے شکر پڑیاں پریڈ گراؤنڈ اسلام آباد اچ دفاعی سازوسامان دی نمائش کیتی ویسی، پورے ملک اچ جشن یوم آزادی اتے معرکہ حق دی تیاریاں زوراں تے ہن، 14اگست دے موقع تے شکر پڑیاں پریڈ گراؤنڈ اچ عوام کیتے خصوصی تقریباں دا اہتمام وی کیتا ویسی۔ یوم آزادی اتے معرکہ حق دی فتح تے افواج پاکستان ولوں قابل فخر دفاعی سازوسامان دی نمائش کیتی ویسی، شکرپڑیاں پریڈ گراؤنڈ اسلام آباد سویرے 10 وجے شہریاں کیتے کھول ݙتا ویسی۔ نمائش اچ معرکہ حق دے دوران استعمال کیتے ڳئے مختلف جنگی ہتھیار، طیارے، ٹینک اتے ݙوجھا فوجی ساز و سامان سودھے توپاں، راکٹ لانچر وہیکلز، جنگی سامان بردار ڳاݙیاں اتے بکتر بند وی شامل ہن جݙاں جو معرکہ حق اچ نمایاں کردار ادا کرݨ آلے ریڈارز وی نمائش دا حصہ ہن۔ نمائش دے موقع تے پاک فضائیہ ولوں فلائی پاسٹ اتے پیرا جمپنگ دا مظاہرہ وی کیتا ویسی۔ شکر پڑیاں پریڈ گراؤنڈ اچ مختلف سٹالز، ثقافتی پروگرامز اتے فوجی بینڈز وی آپݨے فن دا مظاہرہ کریسن اتے ملی نغمیاں دی دھناں وجا تے عوام دے جذبہ حب الوطنی کوں جڳیسن۔ واضح رہے جو دفاعی سازوسامان دی نمائش دا مقصد ملک دے ہر شہری کوں تاریخی ݙینہ دی خوشیاں بھرپور انداز اچ مناوݨ دا موقع فراہم کرݨ اے۔
