اسلام آباد۔13اگست (اے پی پی) صدرِ مملکت آصف علی زرداری نال آذربائیجان دے سفیر خضر فرہادوف ایوانِ صدر اچ ملاقات کیتی، صدر مملکت ݙوہیں ملکاں وچال تجارت، معیشت اتے علاقائی رابطہ کاری ودھاوݨ دی لوڑھ تے زور ݙتا۔ ایوان صدر دے پریس ونگ توں ٻُدھ کوں جاری بیان موجب صدرِ مملکت پاکستان اتے آذربائیجان دے برادرانہ تعلقات کوں ݙوہیں ملکاں دے مفاد اچ ٻیا مستحکم کرݨ تے زور ݙتا۔ صدر …
پاکستان اتے آذربائیجان وچال تجارت، معیشت اتے علاقائی رابطہ کاری کوں ودھاوݨ دی لوڑھ اے، صدر مملکت آصف علی زرداری
اسلام آباد۔13اگست (اے پی پی) صدرِ مملکت آصف علی زرداری نال آذربائیجان دے سفیر خضر فرہادوف ایوانِ صدر اچ ملاقات کیتی، صدر مملکت ݙوہیں ملکاں وچال تجارت، معیشت اتے علاقائی رابطہ کاری ودھاوݨ دی لوڑھ تے زور ݙتا۔ ایوان صدر دے پریس ونگ توں ٻُدھ کوں جاری بیان موجب صدرِ مملکت پاکستان اتے آذربائیجان دے برادرانہ تعلقات کوں ݙوہیں ملکاں دے مفاد اچ ٻیا مستحکم کرݨ تے زور ݙتا۔ صدر مملکت آکھیا جو ݙوہیں ملکاں وچال تجارت، معیشت اتے علاقائی رابطہ کاری کوں ودھاوݨ دی لوڑھ اے۔ سِدھے فضائی رابطیاں نال تجارتی اتے عوامی تعلقات دے نویں موقع پیدا تھیسن۔ انہاں آذربائیجان اتے آرمینیا دے تاریخی امن معاہدے تے وی مبارخ ݙتی۔ انہاں دا آکھݨ ہا جو امن معاہدہ خطے اچ دیرپا استحکام اتے خوشحالی دی ضمانت اے، پاکستان تنازعات دے حل کیتے گالھ مہاڑ اتے پرامن ذرائع تے یقین رکھیندے۔
