فیلڈ مارشل سید عاصم منیر دی خصوصی ہدایت تے چھل آلے علاقیں اچ پاک فوج ولوں راشن دی ونڈ جاری

اسلام آباد۔17اگست (اے پی پی) خیبر پختونخوا اچ پاک فوج دے فلڈ ریلیف آپریشن اچ آرمی چیف فیلڈ مارشل سید عاصم منیر دی خصوصی ہدایت موجب خیبر پختونخوا دے چھل آلے علاقیں اچ پاک فوج ولوں راشن دی ونڈ جاری اے، پاک فوج دے ہیلی کاپٹر خراب موسم دے باوجود بونیر، شانگلہ اتے سوات دے مختلف علاقیں اچ ریسکیو اینڈ ریلیف آپریشن اچ مصروف ہن۔ پاک آرمی دے ہیلی کاپٹر خواڑ بانڈہ دے علاقے اچ راشن پُڄائے ، راشن اچ اٹا، چاول، دالاں، سُکا کھیر ، لوݨ اتے چاہ دی پتی اتے کوکنگ آئل شامل اے۔ پاک فوج دے ہیلی کاپٹر پرے علاقیں توں زخمیاں، تریمتاں اتے ٻالاں کوں محفوظ جہیں تئیں وی پُڄیندے پئن جݙاں جو پاک فوج دے ڈاکٹر متاثرہ علاقیں اچ میڈیکل کیمپ وی لاتن جتھاں مفت دوائیاں دی ونڈ جاری اے، پاک فوج چھل زدگان دی بحالی تئیں عوامی خدمت دا مشن جاری رکھیسی۔