سندھ طاس معاہدہ یکطرفہ معطل نئیں کیتا ونڄ سڳدا، پاکستان دے 24 کروڑ عوام کیتے ہک ریڈ لائن اتے وجودی خطرہ اے، سینیٹر محمد اسحاق ڈار

لندن۔19 اگست(اے پی پی)نائب وزیر اعظم اتے وزیر خارجہ محمد اسحاق ڈار بھارت ولوں یک طرفہ طور تے سندھ طاس معاہدہ کوں معطل کرݨ دی غیر قانونی کوشش کوں پاکستان دے 24 کروڑ عوام کیتے ہک ریڈ لائن اتے وجودی خطرہ قرار ݙتے۔ دفتر خارجہ موجب لندن اچ برطانوی پاکستانی وکلاء فورم نال خطاب کریندے انہاں زور ݙتا جو 1960ء اچ ورلڈ بینک دی ثالثی اچ طے تھیوݨ آلا اے معاہدہ، جو پاکستان دے 80 فیصد ترو تازے پاݨی دے وسائل کوں کنٹرول کریندے اتے 24 کروڑ لوکاں دیاں زندگیاں دا دارومدار اے، ڄیکوں یک طرفہ طور تے معطل یا مؤخر نئیں کیتا ونڄ سڳدا۔ انہاں ایں معاہدے دی اہمیت کوں پاکستان دے آبی تحفظ اتے ماحولیاتی استحکام کیتے ناگزیر قرار ݙیتا۔ شرکاء بھارت دے اقدامات کوں آبی جارحیت (واٹر وارفیئر) قرار ݙیندے ہک مٹھ تھی تے تے مذمت کیتی اتے برطانیہ دی سطح تے ہک لیگل ٹاسک فورس ٻݨاواݨ دا وعدہ کیتا۔ اے ٹاسک فورس معاہدے دے تحت پاکستان دے حقوق دے تحفظ اتے بین الاقوامی قانونی و سفارتی حمایت حاصل کرݨ کیتے کم کریسی۔