پاکستان غربت مکاوݨ اتے ماحولیاتی چیلنجز نال نبڑݨ کیتے متحدہ عرب امارات دے نال سانجھ چاہندے ، چیئرمین سینیٹ سید یوسف رضا گیلانی

اسلام آباد۔21اگست (اے پی پی) چیئرمین سینیٹ سید یوسف رضا گیلانی آکھیے جو “پاکستان غربت مکاوݨ اتے ماحولیاتی چیلنجز نال نبڑݨ کیتے متحدہ عرب امارات دے نال سانجھ چاہندے، پاک۔جی سی سی فری ٹریڈ ایگریمنٹ نال وپاراتے سرمایہ کاری اچ وسعت آسی۔ سینیٹ سیکرٹریٹ توں جاری بیان موجب چیئرمین سینیٹ سید یوسف رضا گیلانی نال متحدہ عرب امارات دے سفیر نے الوداعی ملاقات کیتی۔ چیئرمین سینیٹ سفیر حماد عبید ابراہیم الزعابی دی خدمتاں کوں خراجِ تحسین پیش کیتا۔ چیئرمین سینیٹ آکھیا جوپاکستان اتے یو اے ای دے تعلقات پنج ݙھاکیں تے مشتمل ہن، یو اے ای دے نال معاشی اتے اقتصادی تعلقات مزید ودھاوݨ چاہندوں۔ انہاں یو اے ای دی قیادت کوں خراج تحسین پیش کیتا۔ چیئرمین سینیٹ آکھیے جو پاکستان غربت مکاوݨ اتے ماحولیاتی چیلنجز کیتے یو اے ای دے نال سانجھ چاہندے ۔ݙوہیں ملکاں وچال تجارتی تعلقات اچ مسلسل ودھارا چنڳی ڳالھ اے، اڄوکے ایم او یوز تے عمل درآمد نال تعاون مزید تکڑا تھیسی” چیئرمین سینیٹ آکھیا جو “پاک۔جی سی سی فری ٹریڈ ایگریمنٹ نال وپار اتے سرمایہ کاری اچ وسعت آسی۔”1.8 ملین پاکستانی ݙوہیں ملکاں وچال مضبوط پُل ہن۔