پاکستان نرسنگ کونسل دی مکمل ڈیجیٹلائزیشن کیتی ویسی، وفاقی وزیر صحت دی پاکستان نرسنگ کونسل بارے اجلاس اچ ڳالھ مہاڑ

اسلام آباد۔29ستمبر(اے پی پی)وفاقی وزیر صحت سید مصطفیٰ کمال آکھیے جو پاکستان نرسنگ کونسل دی مکمل ڈیجیٹلائزیشن دا فیصلہ کیتا ڳئے۔ اے ڳالھ انہاں پاکستان نرسنگ کونسل بارے اہم اجلاس اچ کیتا۔ انہاں آکھیا جو کونسل دے سارے کماں کوں تیکھا توں تیکھا کمپیوٹرائزڈ کیتا ونجے، انسانی مداخلت گھٹ توں گھٹ کر کے میرٹ اتے شفافیت کوں یقینی بݨایا ونجے۔ انہاں آکھیا جو اساں نرسنگ دے شعبے اچ گم تھیوݨ آلی ساکھ کوں بحال کریسوں۔ اجلاس اچ پاکستان نرسنگ کونسل دی مکمل ڈیجیٹلائزیشن بارے اہم فیصلے کیتے ڳئن۔ انہاں آکھیا جو پاکستان نرسنگ کونسل کوں ہک جدید، مؤثر اتے بین الاقوامی معیار دا ادارہ بݨیسوں اتے نرسنگ دا شعبہ صحت دے شعبے اچ وݙی اہمیت رکھیندے۔ انہاں آکھیا جو پاکستان اچ 9 لکھ نرسز دی کمی دا سامݨا اے، نرسنگ دے شعبے دی مضبوطی کیتے مربوط اتے مؤثر اقدامات کیتے ویسن۔ انہاں آکھیا جو نرسنگ دے شعبے کوں جدید خطوط تے کھرا کیتا ویسی، نرسنگ دے شعبے دی بہتری کیتے اصلاحات دا سلسلہ جاری اے۔ اجلاس اچ وفاقی سیکرٹری صحت اتے ایڈیشنل سیکرٹری وی موجود ہن