وزیراعظم دا غزہ اچ جنگ بندی کیتے امریکی صدر دے 20 نکاتی منصوبے دا خیر مقدم

لندن۔29ستمبر(اے پی پی)وزیراعظم محمد شہباز شریف غزہ اچ جنگ بندی کیتے امریکی صدر ڈونلڈ ٹرمپ دے 20 نکاتی منصوبے دا خیر مقدم کریندے آکھیے جو خطے اچ سیاسی استحکام اتے معاشی ترقی کیتے فلسطینی عوام اتے اسرائیل وچال پائیدار امن ٻہوں ضروری اے۔ سنوار کوں سماجی رابطے دی ویب سائٹ ایکس تے ہک پوسٹ اچ وزیراعظم آکھیا جو او صدر ٹرمپ دے ایں 20 نکاتی منصوبے دا خیرمقدم کریندن جیںدا مقصد غزہ اچ جنگ مکاوݨ اے۔ انہاں آکھیا جو میکوں اے وی یقین اے جو فلسطینی عوام اتے اسرائیل وچال پائیدار امن خطے اچ سیاسی استحکام اتے معاشی ترقی کیتے وݙا ضروری اے۔ انہاں آکھیا جو میکوں یقین اے جو صدر ٹرمپ بالکل تیار ہین جو ایں ٻہوں اہم اتے فوری معاملے کوں حقیقت بݨاوݨ کیتے جتنا ضروری ہووے ہر ممکن ہتھ ونݙاون۔ وزیراعظم آکھیا جو او صدر ٹرمپ دی قیادت اتے خصوصی ایلچی سٹیو وٹکوف دے ایں جنگ دے خاتمے کیتے ادا کیتے ڳئے کلیدی کردار تے انہاں کوں خراج تحسین پیش کریندن، خطے اچ دیرپا امن کیتے ݙو ریاستی تجویز تے عمل درآمد ضروری اے۔