وزیراعظم محمد شہباز شریف “صمود غزہ فلوٹیلا” تے اسرائیلی فوجاں دے بزدلانہ حملے دی مذمت

اسلام آباد۔2اکتوبر(اے پی پی) وزیراعظم محمد شہباز شریف “صمود غزہ فلوٹیلا” تے اسرائیلی فوجاں دے بزدلانہ حملے دی زبردست مذمت کیتی ہے تے سارے امدادی کارکناں دی فوری تے بلا شرط رہائی تے فلسطینیاں تئیں امداد دے بلا رکاوٹ پُڄاوݨ دا مطالبہ کیتے۔ “ایکس” تے اپݨے پیغام وچ وزیراعظم آکھئے جو اسرائیلی درندگی کوں فوری طور تے روکݨ تے فلسطین وچ پائیدار امن قائم کرݨ ایں ویلھے دی ساریں توں وݙی ضرورت اے۔ ایں فلوٹیلا وچ 44 ملکاں دے 450 توں  ودھ امدادی کارکن سوار ہن، جنہاں کوں اسرائیلی فوجاں غیرقانونی طور تے گرفتار کر ڳھدے۔ وزیراعظم آکھئے جو انہاں بے لوث کارکناں دا واحد قصور بے بس تے مظلوم فلسطینی عوام کیتے امداد گھن تے ونڄݨ اے۔ انہاں آکھئے جو پاکستان انہاں سارے کارکناں دی وقتی تے بلا شرط رہائی تے فلسطینیاں تئیں امداد دے بلا رکاوٹ پُڄاوݨ دا مطالبہ کریندے