سردار ایاز صادق دی پارلیمانی رپورٹرز ایسوسی ایشن (پی آر اے) دی نویں منتخب ایگزیکٹو باڈی دے عہدیداراں کوں مبارخ

اسلام آباد۔3 اکتوبر (اے پی پی) اسپیکر قومی اسمبلی سردار ایاز صادق پارلیمانی رپورٹرز ایسوسی ایشن (پی آر اے) دی نویں منتخب ایگزیکٹو باڈی دے عہدیداراں صدر ایم بی سومرو، نائب صدر محمد عثمان خان کاکڑ، سیکرٹری نوید اکبر، جوائنٹ سیکرٹری اورنگزیب کاکڑ، فنانس سیکرٹری شاکر عباسی، سیکرٹری اطلاعات جاوید حسین تے گورننگ باڈی دے عہدیداراں کوں مبارخ ݙیندے ہوئے نیک خواہشات دا اظہار کیتے۔ اپݨے ہک تہنیتی پیغام وچ انہاں آکھیا جو جمہوری روایات دے مطابق پی آر اے دے انتخابات دا خوش اسلوبی نال انعقاد خوش آئند اے۔ پی آر اے دے نویں منتخب عہدیداراں دی کامیابی انہاں تے پارلیمانی رپورٹرز دے اعتماد دی علامت اے۔ امید اے جو پی آر اے دی نویں منتخب باڈی پارلیمانی صحافیاں دے مسئلیں دے حل وچ پورا کردار ادا کریسی۔ پریس گیلری پارلیمان دا اہم حصہ اے۔ پارلیمانی رپورٹرز عوامی مسائل کوں اُجاگر کرݨ وچ اہم کردار ادا کریندن۔ ایوان وچ عوامی اہمیت دی حامل قانون سازی کوں عوام تئیں پُڄاوݨ وچ پارلیمانی رپورٹرز دا کلیدی کردار اے۔ اسپیکر سردار ایاز صادق پی آر اے دی نویں منتخب باڈی کوں قومی اسمبلی سیکرٹریٹ دی طرفوں ہر ممکن تعاون دا یقین ݙیوائے تے آکھیے جو قومی اسمبلی سیکرٹریٹ دا ہمیشہ توں پارلیمانی رپورٹرز ایسوسی ایشن پاکستان دے نال پورا تعاون ریہا اے۔ اسپیکر سردار ایاز صادق نویں منتخب باڈی دی کامیابیاں تے کامرانیاں کیتے نیک تمناؤں دا اظہار کیتا