پنجاب اچ سیلاب توں 45 لکھ لوک متاثر تھئن، متاثرین دا سروے ہک مہینے اچ مکمل تھی ویسی، وزیر اطلاعات پنجاب

لاہور۔3 اکتوبر(اے پی پی)وزیر اطلاعات پنجاب عظمیٰ بخاری آکھیے جو سروے ٹیماں متاثرہ افراد، کساناں، مکاناں، فصلاں اتے جانوراں دا سروے کریندیاں پئن۔ پنجاب اچ سیلاب نال ݙاہ یا 20 لوک نئیں 45 لکھ لوک متاثر تھئن، اتنے وݙے پیمانے تے متاثرین دا سروے ہک مہینے اچ مکمل تھی ویسی۔ مزمل اسلم دے بیان تے ولدا ݙیندے انہاں آکھیا جو بونیر، صوابی اتے سوات اچ سیلاب نال ہزاراں لوک متاثر تھئن، کیا انہاں سب کوں کے پی حکومت امداد ݙے ݙتی اے؟ کے پی کابینہ دے ݙو وزراء تہاݙے وزیراعلیٰ دی کرپشن دی ڳالھ سُݨ تے استعفیٰ ݙتن جݙاں جو وزیراعلیٰ پنجاب مریم نواز شریف سیلاب متاثرین دی مدد کیتے ہر ویلھے ردھی ہوئی اے اتے او سیلاب متاثرین دے ناں تے قرض یا امداد نا منڳسن، پنجاب دے 27 اضلاع اچ سیلاب متاثرین دے سروے کیتے 1857 ٹیماں کم کریندیاں پئن۔ سروے ٹیماں متاثرہ افراد، کساناں، مکاناں، فصلاں اتے جانوراں دا سروے کریندیاں پئن۔ عظمیٰ بخاری آکھیا جو مریم نواز آپ سیلاب نال متاثرہ ہر ڄݨے کولو وںڄ تے انہاں دی مدد کریسِن، او کہیں ٻئے دے اڳو مدد کیتے ہتھ نا ودھیسن۔