اسلام آباد۔4 اکتوبر(اے پی پی) پاکستان صدر ڈونلڈ ٹرمپ دے اعلان کیتے ڳئے منصوبے تے حماس دے ردعمل دا خیر مقدم کیتے۔ ترجمان دفتر خارجہ دی طرفوں جاری بیان وچ آکھیا ڳئے جو اے وقتی جنگ بندی کوں یقینی بݨاوݨ، غزہ وچ بے گناہ فلسطینیاں دے خون خرابے کوں ختم کرݨ، یرغمالیاں تے فلسطینی قیدیاں دی رہائی، بلا روک ٹوک انسانی امداد یقینی بݨاوݨ تے دیرتئیں امن دے پاسے قابل …
پاکستان دا صدر ڈونلڈ ٹرمپ دے اعلان کیتے ڳئے منصوبے تے حماس دے ردعمل دا خیرمقدم
اسلام آباد۔4 اکتوبر(اے پی پی) پاکستان صدر ڈونلڈ ٹرمپ دے اعلان کیتے ڳئے منصوبے تے حماس دے ردعمل دا خیر مقدم کیتے۔ ترجمان دفتر خارجہ دی طرفوں جاری بیان وچ آکھیا ڳئے جو اے وقتی جنگ بندی کوں یقینی بݨاوݨ، غزہ وچ بے گناہ فلسطینیاں دے خون خرابے کوں ختم کرݨ، یرغمالیاں تے فلسطینی قیدیاں دی رہائی، بلا روک ٹوک انسانی امداد یقینی بݨاوݨ تے دیرتئیں امن دے پاسے قابل اعتماد سیاسی عمل دا رستہ ہموار کرݨ دا اہم موقع ݙیندے۔ بیان وچ آکھیا ڳئے جو اسرائیل وقتی طور تے حملے بند کرے۔ ترجمان آکھیا جو پاکستان غزہ وچ امن کیتے صدر ٹرمپ دیاں کوششاں دی تعریف کریندے تے امید کریندے جو ایندے نتیجے وچ پائیدار جنگ بندی تے ہک منصفانہ، جامع تے دیرتئیں امن قائم تھیسی۔ انہاں آکھیا جو پاکستان ایں عمل وچ تعمیری تے بامعنی تعاون جاری رکھیسی۔ انہاں دا آکھݨ ہئی جو پاکستان فلسطینی کاز کیتے اپݨی اصولی حمایت دا اعادہ کریندے، پاکستان فلسطینی عوام دے نال انہاں دے ناقابل تنسیخ حق خودارادیت کیتے انہاں دی منصفانہ جدوجہد وچ مکمل یکجہتی دے نال کھڑے جیندے تحت بین الاقوامی قانونی جواز تے اقوام متحدہ دیاں متعلقہ قرارداداں موجب 1967 توں پہلے دیاں سرحداں تے مبنی ہک خودمختار، قابل عمل تے متصل فلسطینی ریاست دا قیام عمل وچ گھن آیا ویسی جیندا دارالحکومت القدس الشریف ہوسی۔
